HYGYRCHEDD

Parcio ceir

Mae parcio ar y stryd ar gyfer deiliaid Bathodyn Glas ar gael yn stryd fawr Penmaenmawr. Yn dibynnu ar y lleoedd sydd ar gael, mae'r pellter i'r amgueddfa o'r parcio ar y stryd rhwng 10 metr a 50 metr.

I gael mynediad diogel i'ch cerbyd ac oddi yno, rydym yn argymell eich bod yn defnyddio'r cyfleusterau parcio ceir yn Fernbrook Road os yn bosibl. Gweler yr adran ‘Ymweld â Ni’ ar ein gwefan i gael cyfarwyddiadau.

O faes parcio Fernbrook Road:

Ar ben y maes parcio, tu allan i'r llyfrgell, mae dau parcio Bathodyn Glas dynodedig.

Mae mynediad ramp i'r stryd fawr rhwng y toiledau cyhoeddus a'r llyfrgell gyhoeddus.

Dilynwch y ramp i'r stryd fawr a throwch i'r dde i'r palmant hygyrch (tua 1.7m o led, gan ledu i tua 3m o led)
Dilynwch y palmant o gwmpas i'r dde, nes i chi gyrraedd cwrbyn wedi’i ostwng ar eich chwith.
Croeswch y ffordd wrth ymyl y cwrbyn wedi’i ostwng. Mae cwrbyn wedi’i ostwng arall ar yr ochr arall, a phan gyrhaeddwch ef, ewch i'r chwith a dilynwch gromlin y palmant o gwmpas i'r dde (mae'r palmant yma tua 1.7m o led, yn lledu i tua 2m o led)
Parhewch yn syth ymlaen am tua 50 metr.
Mae Amgueddfa Penmaenmawr ar y dde, gyferbyn â Mountain View bunkhouse.
Mae'r palmant y tu allan i'r amgueddfa tua 1.4m o led ac mae'r fynedfa i'r amgueddfa yn wastad gyda drws 1.2m o led.

Yn yr amgueddfa

Lleiafswm lled drysau a choridorau yw 1.2m ac mae’r cynllun mannau cyhoeddus a'r toiled cyhoeddus yn caniatáu mynediad a throi i gadeiriau olwyn. Mae lloriau’r amgueddfa'n wastad a fyddwch chi ddim yn dod ar draws rampiau na grisiau.

Cyfleusterau toiled

mae'r toiled a'r ystafell ymolchi yn hygyrch i gadeiriau olwyn ac mae ganddo reiliau cynnal
mae'r tap a’r peiriant sebon yn awtomatig ac yn gweithio trwy osod eich dwylo oddi tanynt
mae'r bwrdd newid babanod wedi'i leoli ar wal dde'r ystafell ymolchi
mi welwch glytiau a chynhyrchion misglwyf mewn bag sy'n hongian i'r chwith o'r bwrdd newid babanod, rhag ofn y bydd eu hangen arnoch
y tu allan i ddrws y toiled, mae cadair i ofalwyr aros am y person y maen nhw efo fo/hi.

Lifft

Mae lifft hygyrch i gadeiriau olwyn ar gael os oes arnoch chi fynediad i'r llawr cyntaf.

Cŵn cymorth

Mae croeso i ymwelwyr â chŵn cymorth.

Dolen clyw

Mae dolen glyw wedi’i gosod yn oriel a siop goffi yr amgueddfa. I gael mynediad i'r ddolen, newidiwch eich cymorth clywed i'r safle T.

Iaith Arwyddion Brydeinig (IAB)

Mae rhai o wirfoddolwyr yr amgueddfeydd yn dysgu Iaith Arwyddion Brydeinig (IAB) a byddent yn croesawu'r cyfle i wella’u sgiliau efo ymwelwyr sy'n defnyddio IAB. Byddwch chi hefyd yn dod o hyd i wybodaeth am hanes lleol mewn IAB ar sgriniau digidol yr amgueddfa.

Llinyn gwddf blodyn yr haul

Mae llinynnau gwddf blodyn yr haul ar gael wrth y cownter yn y siop goffi ac wrth ddesg y dderbynfa. Os dewiswch chi wisgo’r llinyn gwddf, bydd ein wirfoddolwyr yn deall bod gennych anabledd cudd ac efallai y byddwch chi eisiau ychydig o help neu fwy o amser. Dydych chi ddim angen egluro pam rydych chi'n defnyddio’r llinyn gwddf neu ddarparu prawf o anabledd. Maent yn rhad ac am ddim i'w defnyddio.

Siop goffi

Mae siop goffi’r amgueddfa yn gweini diodydd poeth, diodydd oer, bisgedi, creision a chacennau. Mae'r siop goffi ar agor bob dydd rhwng 10yb a 4yp. Os oes gennych unrhyw alergeddau neu ofynion dietegol penodol, siaradwch ag un o'n gwirfoddolwyr sy'n gwasanaethu yn y siop goffi cyn archebu.

Canllawiau clir

Mae canllaw clir i'r amgueddfa ar gael i'w lawrlwytho yma.

Mae copïau hefyd ar gael yn yr amgueddfa.

Mae canllaw clir sy'n dangos y daith o'r maes parcio i'r amgueddfa ar gael yma.